![](https://acoruñanarede.gal/wp-content/uploads/2024/06/CCIA-CORUNA-INCENDIO-RIBEIRA.jpg)
Os bombeiros do parque Comarcal Provincial de Ribeira foron alertados ás 01:18 horas desta madrugada dun incendio que afectou a un vehículo na rúa Rafael Dieste, no casco urbano do Concello de Ribeira.
O lume orixinouse na guanteira do automóbil, e á chegada dos bombeiros xa fora extinguido polo propietario, polo que o operativo consistiu na ventilación do interior do turismo, na desconexión da batería e na comprobación da temperatura e gases.
No operativo tamén participaron a Policía Local de Ribeira e a Policía Nacional.
Deja un comentario
Lo siento, debes estar conectado para publicar un comentario.